Мектебімізде «Адал Ұрпақ» клубының жұмысы аясында оқушылардың адалдық, жауапкершілік және адамгершілік нормаларына құрмет сияқты қасиеттерін қалыптастыру мақсатында Адалдық сағаты өткізілді.
Іс-шара барысында оқушылар қазіргі қоғамда адал әрі тәртіпті болудың мәні жайлы ой бөлісіп, өмірлік мысалдар келтіріп, өз пікірлерін ортаға салды. Сондай-ақ, әділдік, шынайылық, уәде беруге адалдық және қиын жағдайларда да дұрыс шешім қабылдай білу сияқты қасиеттердің маңыздылығы талқыланды.
Мұндай кездесулер оқушылардың өз іс-әрекеттеріне саналы түрде қарауына және ішкі тәртіп мәдениетін қалыптастыруына ықпал етеді.
«Адал Ұрпақ» клубы өскелең ұрпақтың адамгершілік қасиеттері мен азаматтық жауапкершілігін дамытуға бағытталған жұмыстарын жалғастыра бермек.